Ռայիսին կարևորել է Իրանի և Իրաքի միջև փոխգործակցության ամրապնդումը
Իրանի Իսլամական Հանրապետության նախագահ Էբրահիմ Ռայիսին կարևորել է Իրաի և Իրաքի միջև համագործակցության ամրապնդման անհրաժեշտությունը՝ հատկապես էներգետիկայի, արդյունաբերության, առևտրի, ֆինանսական և բանկային ոլորտներում:
Ինչպես տեղեկացնում է իրանական «Mehr» լրատվական գործակալությունը, Ռայիսին այս մասին ասել է Իրաքի վարչապետ Մուհամեդ Շիա Ալ-Սուդանիի հետ հեռախոսազրույցի ժամանակ։
Իրանի նախագահն ընդգծել է, որ երկու երկրների միջև առկա են խորը արմատացած հարաբերություններ։ Նրա խոսքով՝ Թեհրանը և Բաղդադն կարող են էլ ավելի խորացնել առկա փոխգործակցությունը։
Ալ-Սուդանին, իր հերթին, նշել է, որ Իրաքի կառավարությունն ու ժողովուրդը միշտ բարձր են գնահատել իրենց իրանցի եղբայրների աջակցությունն ու օգնությունը՝ հատկապես դժվարին պահերին։
Իրանի նախագահը և Իրաքի վարչապետը քննարկել են նաև երկու երկրների միջև տնտեսական համագործակցության վերջին իրավիճակը։ Կողմերն անդրադարձել են նաև Իրաքի վարչապետի՝ Թեհրան կատարած վերջին այցի ընթացքում ձեռք բերված կառուցողական պայմանավորվածությունների կատարմանը։
Добавить комментарий