Ռուսաստանը և Սիրիան միջազգային ահաբեկչության դեմ պայքարում զգալի հաջողությունների են հասել. Պուտին
Ռուսաստանի Դաշնության նախագահ Վլադիմիր Պուտինը հայտարարել է, որ Ռուսաստանը և Սիրիան համատեղ ջանքերով միջազգային ահաբեկչության դեմ պայքարում զգալի հաջողություններ են արձանագրել։ Ինչպես հայտնում է ռուսական ՏԱՍՍ լրատվական գործակալությունը, նա այս մասին ասել է Սիրիայի նախագահ Բաշար ալ-Ասադի հետ հանդիպման ժամանակ։
Ռուսաստանի նախագահի խոսքով՝ ռուս-սիրիական հարաբերությունները զարգանում են։ «Մենք մշտական կապի մեջ ենք, և մեր հարաբերությունները զարգանում են: Մեր համատեղ ջանքերի և Սիրիայում ռուսական զինված ուժերի վճռական ներդրման շնորհիվ զգալի արդյունքներ են ձեռք բերվել միջազգային ահաբեկչության դեմ պայքարում»,- հայտնել է նա։
Պուտինը շեշտել է, որ երկու երկրների արձանագրած արդյունքները թույլ են տալիս կայունացնել սոցիալ-տնտեսական և ներքաղաքական իրավիճակը։
Վերջինս միևնույն ժամանակ ափսոսանք է հայտնել, որ Սիրիայի ժողովուրդը բախվել է ևս մեկ շատ լուրջ աղետի՝ երկրաշարժի, որն ավելի է սրում իրավիճակը։ Նա հիշեցրել է, որ աղետից հետո ՌԴ ԱԻՆ-ի ենթակայության տակ գործող ստորաբաժանումներն աշխատել են Սիրիայում։
Добавить комментарий