Էստոնիան ռոբոտացված նավ է մշակում՝ Ռուսաստանի հետ իր ջրային սահմանը պարեկելու համար

Էստոնիայի ոստիկանությունն ու սահմանապահ ծառայությունը զարգացնում են ինքնավար ռոբոտացված նավի մշակման ծրագրերը: Նավը պարեկություն կիրականացնի Ռուսաստանի հետ արևելյան սահմանին։ Սահմանի մեծ մասն անցնում է գետերով։ Այս մասին հայտնում է ERR-ը։

Ռոբոտացված նավը կարող է շահագործման հանձնվել երկու տարվա ընթացքում։ Այն կհագեցվի հսկողության համակարգերով։ Այն կարող է նաև օգտագործել արհեստական բանականություն։

Նախագիծը ֆինանսավորվում է ԵՄ կողմից՝ ավելի քան մեկ միլիոն եվրոյի չափով և հանդիսանում է Էստոնիայի ֆինանսների նախարարության կողմից աջակցվող ավելի լայն նորարարական նախաձեռնության մի մասը։

Ծառայությունը հայտնում է, որ նախատեսում է «մոտ ապագայում» պետական մրցույթ հայտարարել նախագծման և շինարարության համար։

Ըստ առկա տվյալների՝ մրցույթի պոտենցիալ մասնակիցներից մեկը MindChip տեխնոլոգիական ստարտափն է, որը հիմնադրվել է Տալլինի տեխնիկական համալսարանի (TalTech) կողմից և ունի ինքնավար նավերի կառուցման փորձ։