Իրանը Բելառուսի համար դարձել է վստահելի գործընկեր. Լուկաշենկո
Բելառուսի նախագահ Ալեքսանդր Լուկաշենկոն շնորհավորական ուղերձ է հղել Իրանի Իսլամական Հանրապետության նախագահ Էբրահիմ Ռայիսիին՝ երկկողմ հարաբերությունների հաստատման 30-ամյակի կապակցությամբ։ Այս մասին տեղեկացնում է բելառուսական «Belta» լրատվական գործակալությունը։
Լուկաշենկոն ընդգծել է, որ Թեհրանը Մինսկի համար դարձել է վստահելի գործընկեր։ Նրա խոսքով՝ երկու երկրների ժողովուրդները շուրջ երեք տասնամյակ զարգացնում են փոխշահավետ համագործակցություն, որը հիմնված է վստահության և բարեկամության սկզբունքների վրա։
Բելառուսի նախագահի համոզմամբ՝ երկու երկրներն այս տարիներին շատ քայլեր են ձեռնարկել՝ միմյանց հնարավորությունները հասկանալու և միջպետական կապերը խորացնելու համար։ «Թեհրանը վստահելի գործընկեր է դարձել Մինսկի համար՝ չնայած տարբեր մարտահրավերներին ու դժվարություններին»,- ասել է Լուկաշենկոն։
Բելառուսի նախագահն ուշադրություն է հրավիրել այն բանին, որ ստեղծված իրավիճակը երկու երկրներից պահանջում է համակարգել ջանքերը՝ տնտեսական դիրքը պահպանելու և կայուն զարգացման պայմաններին աջակցելու համար։
Добавить комментарий