«Նրանք, ովքեր մեզ վրա գան, մռութներին կստանան». ադրբեջանցի պատգամավորը շարունակում է սադրել Ռուսաստանին

Ադրբեջանի խորհրդարանի պատգամավոր Ռասիմ Մուսաբեկովը ոչ մի կերպ չի կարողանում կանգ առնել իր «մտավոր ձեռքբերումների» վրա և շարունակում է սպառնալիքներ հնչեցնել Ռուսաստանի հասցեին։

Այս մասին գրում է News.am-ը։

«Ի տարբերություն Ռուսաստանի, Ադրբեջանը ագրեսիվ մտադրություններ կամ Ռուսաստանին որևէ բանի դրդելու ցանկություն չունի։ Մենք ո՛չ Ռուսաստանի վրա հարձակվելու մտադրություն ունենք, ո՛չ էլ հնարավորություն։ Բայց նրանք, ովքեր մեզ վրա կգան, մռութներին կստանան»,- ադրբեջանցի պատգամավորի խոսքերն են մեջբերում ադրբեջանական տելեգրամյան ալիքները։

Հիշեցնենք, որ Մուսաբեկովի հեռակա հակամարտությունը Ռուսաստանի հետ սկսվել է Ռուսաստանի Պետդումայի պատգամավոր Անդրեյ Գուրուլյովի արտահայտությունների պատճառով, որը ակնարկել էր Ադրբեջանին ռազմական ներխուժման հնարավորության մասին՝ ի պատասխան Բաքվի՝ Ուկրաինային 2 մլն դոլարի չափով մարդասիրական օգնություն ուղղելու որոշման։

«Հատուկ ռազմական գործողությունը ձգվող հասկացություն է։ Ձգվող՝ Ռուսաստանի Դաշնության ողջ սահմանի երկայնքով»,- հայտարարել է Գուրուլյովը տեսանյութում, որը հրապարակել է իր Telegram-ալիքում։

«Մեծ խելքից չէ, որ հարաբերություններ են փչացնում Ռուսաստանի պես մեծ հարևանի հետ։ Եթե Ռուսաստանում վաճառասեղաններին Ադրբեջանից ապրանքներ չլինեն, ապա մեզ մոտ դրանից ոչինչ չի փոխվի, իսկ նրանց համար շատ բան կփոխվի։ Իսկ եթե մի փոքր էլ սաստենք տեղի տղաներին, որոնք այստեղ անհասկանալի բիզնեսով են զբաղվում, այդ դեպքում շատ բան կփոխվի»,- հավելել է ռուսաստանցի պատգամավորը։

Ավելին` սկզբնաղբյուր կայքում։