Բայրամովը մեղադրել է Երևանին խաղաղ երկխոսության համար խոչընդոտներ ստեղծելու մեջ

ԱՄՆ պետքարտուղարի Եվրոպայի և Եվրասիայի հարցերով օգնական Կարեն Դոնֆրիդի հետ հեռախոսազրույցի ժամանակ Ադրբեջանի արտգործնախարար Ջեյհուն Բայրամովը ասել է, թե Հայաստանը խոչընդոտում է խաղաղության պայմանագրի բանակցություններին։

Ադրբեջանի կողմից հրադադարի ռեժիմի պարբերաբար խախտումները չարձանագրելով՝ ադրբեջանցի պաշտոնյան տարածաշրջանում վերջին իրավիճակի հետ կապված ասել է, որ Հայաստանը վերջերս շատ է դիմում «սադրանքների» ու  զինամթերք է տեղափոխում։

Բայրամովը նշել է Լաչինի ճանապարհի սկզբնակետում Ադրբեջանի և Հայաստանի միջև սահմանային անցակետի ստեղծման կարևորությունը։

Երևանի դիրքորոշումը բնութագրելով որպես ապակառուցողական՝ նշել է, որ հայկական կողմը խոչընդոտում է խաղաղության պայմանագրի բանակցություններին։