Լոնդոնը և Բեռլինը քննարկում են Գրենլանդիա զորքեր ուղարկելու հարցը. Bloomberg
Գերմանիան և Մեծ Բրիտանիան քննարկում են Գրենլանդիա զորքեր ուղարկելու հնարավորությունը: Bloomberg-ը տեղեկացել է, որ Լոնդոնը և Բեռլինը ուսումնասիրում են կղզում իրենց ռազմական ներկայությունը ուժեղացնելու հնարավորությունը։
Նշվում է, որ Եվրոպան մտադիր է ԱՄՆ նախագահ Դոնալդ Թրամփին ցույց տալ, որ լուրջ է վերաբերվում Գրենլանդիայի և ամբողջ Արկտիկայի անվտանգության ապահովմանը։
Գործակալությունը պարզաբանել է, որ Գերմանիան նախատեսում է առաջարկել ՆԱՏՕ-ի համատեղ առաքելություն՝ Արկտիկան պաշտպանելու համար, մինչդեռ Մեծ Բրիտանիայի վարչապետ Քեյր Սթարմերը կոչ է անում դաշնակիցներին ավելացնել իրենց ռազմական ներկայությունը Հյուսիսում։
Նշվում է նաև, որ Գերմանիայի արտաքին գործերի նախարար Յոհան Վադեֆուլը, ենթադրաբար, հաջորդ շաբաթ կայցելի Միացյալ Նահանգներ: Նա նախատեսում է հանդիպել պետքարտուղար Մարկո Ռուբիոյի հետ Վաշինգտոնում և ՄԱԿ-ի գլխավոր քարտուղար Անտոնիո Գուտերեշի հետ Նյու Յորքում։
Добавить комментарий