«Կարևոր ժեստ է». Ռուբիոն` ադրբեջանական վառելիքը Հայաստան մատակարարելու մասին
ԱՄՆ պետքարտուղար Մարկո Ռուբիոն Ադրբեջանի արտաքին գործերի նախարար Ջեյհուն Բայրամովի հետ հեռախոսազրույցի ընթացքում դրական է գնահատել ադրբեջանական վառելիքի մատակարարումները Հայաստան։
Այս մասին հայտնում են ԱՄՆ Պետդեպարտամենտից։
Զրույցը կայացել է այսօր։ ԱՄՆ արտաքին քաղաքական գերատեսչությունից նշել են, որ Ռուբիոն վառելիքի մատակարարումն անվանել է «կարևոր ժեստ» Հայաստանի և Ադրբեջանի միջև խաղաղության գործընթացի համատեքստում։
Ինչպես հայտնել է Պետդեպարտամենտի պաշտոնական ներկայացուցչի տեղակալ Թոմի Պիգոտը, կողմերը քննարկել են նաև վստահության ամրապնդման այլ միջոցներ, որոնք ուղղված են Հարավային Կովկասի խաղաղության և կայունության խթանմանը։ Բացի այդ, զրույցի ընթացքում դրական է գնահատվել ամերիկա-ադրբեջանական հարաբերությունների զարգացումը։
Добавить комментарий