Իսրայելի ռազմաօդային ուժերի հրամանատարը հրաժարական է տվել

Իսրայելի ռազմաօդային ուժերի հրամանատար, գեներալ-մայոր Բար Թոմեր Բարը կավարտի իր պաշտոնավարման ժամկետը մայիսի 5-ին. պաշտոնաթողության նախնական ժամկետը հետաձգվել էր Իրանում պատերազմի պատճառով: Հաղորդում է «Times of Israel»-ը:

Նոր ամսաթիվը համաձայնեցվել է Բարի և Իսրայելի պաշտպանության բանակի շտաբի պետ, գեներալ-լեյտենանտ Էյալ Զամիրի այսօրվա հանդիպման ժամանակ։

Բրիգադային գեներալ Օմեր Թիշլերը կփոխարինի ավելի քան չորս տարի պաշտոնավարած Բարին։

«Շտաբի պետը շեշտել է, որ ռոտացիան հիմնված է օպերատիվ իրավիճակի գնահատման վրա»,- ասվում է Իսրայելի պաշտպանության բանակի հայտարարության մեջ։ Սկզբնապես Իսրայելի ռազմաօդային ուժերի հրամանատարի լիազորությունների փոխանցումը նախատեսված էր այս ամիս։