ԵԱՀԿ գործող նախագահը կայցելի Հայաստան, Վրաստան և Ադրբեջան

ԵԱՀԿ գործող  նախագահ, Հյուսիսային Մակեդոնիայի արտաքին գործերի նախարար Բույար Օսմանին կայցելի Ադրբեջան։ Այս մասին հայտնում է ադրբեջանական ԱՊԱ գործակալությունը՝ հղում անելով ԵԱՀԿ գործող նախագահի մամուլի ծառայությանը։ Բուջար Օսմանին հանդիպումներ կունենա կառավարության պաշտոնյաների և շահագրգիռ այլ կողմերի հետ: Նա ապրիլի 10-13-ը կայցելի Վրաստան, Ադրբեջան և Հայաստան, նաև հանդիպումներ կունենա խորհրդարանի անդամների, քաղաքացիական հասարակության ներկայացուցիչների և այլ գործընկերների հետ։ 

Այցի շրջանակում կքննարկվեն ԵԱՀԿ-ի, Վրաստանի, Ադրբեջանի և Հայաստանի միջև՝

1. համագործակցության ամրապնդման,
2. անվտանգության արդի մարտահրավերների լուծման,
3. հարավկովկասյան տարածաշրջանում երկխոսության միջոցով խաղաղությանն ու կայունությանը նպաստող հարցեր։