Չինաստանը հավաստիացրել է ԱՄՆ-ին, որ զենք չի մատակարարի Իրանին․ Հեգսեթ
ԱՄՆ պաշտպանության նախարար Փիթ Հեգսեթն այսօր կայացած ճեպազրույցի ժամանակ պատասխանել է ամերիկյան հետախուզության այն տեղեկություններին, թե Չինաստանը իբր պատրաստվում է զինամթերք մատակարարել Իրանին։ Այս մասին հայտնում է ABC News-ը։
Հեգսեթի խոսքով՝ Չինաստանը հավաստիացրել է Միացյալ Նահանգներին, որ դա չի համապատասխանում իրականությանը։
«Նախագահ Թրամփը շատ ամուր և անմիջական հարաբերություններ ունի նախագահ Սի Ծինփինի հետ։ Նրանք շփվել են այս հարցի շուրջ, և Չինաստանը վստահեցրել է մեզ, որ նման բան իրականում տեղի չի ունենա», - նշել է Պենտագոնի ղեկավարը։
Նա նաև նշել է, որ թեև իրանական ղեկավարության հրամանատարական և կառավարման հնարավորությունները «զգալիորեն թուլացած են», Իրանը «մեծ խթան» ունի հրադադարի ռեժիմը պահպանելու համար։
Սպասվում է, որ Թրամփն ու Սի Ծինփինը կհանդիպեն մայիսին Չինաստանում։ Այս այցը հետաձգվել էր Իրանի դեմ ամերիկա-իսրայելական պատերազմի պատճառով։
Добавить комментарий