Մակրոնի կուսակցությունը նախագահի թեկնածու է առաջադրել հայամետ Ատալին

Ֆրանսիայի նախագահ Էմանուել Մակրոնի «Renaissance» կուսակցությունը 2027 թվականի ընտրություններում նախագահի թեկնածուի պաշտոնում առաջադրել է նախկին վարչապետ Գաբրիել Ատալին: Հաղորդում է Sputnik Արմենիան:

Ինչպես հաղորդում է ֆրանսիական TF1 հեռուստաալիքը, նախնական որոշումն ընդունվել է կուսակցության գործադիր բյուրոյի քվեարկության ժամանակ, իսկ մայիսի 12-ին այն կներկայացվի կուսակցության անդամների ավելի լայն շրջանակի՝ ազգային խորհրդի հավանությանը:

Ատալը՝ կուսակցության գործող գլխավոր քարտուղարը, Ֆրանսիայի կառավարությունը գլխավորել է 2024 թվականի հունվարից մինչև սեպտեմբեր։

Ինչպես հաղորդում է հեռուստաընկերությունը, Ատալը, որը դեռ պաշտոնապես թեկնածուի պաշտոնում չի առաջադրվել, արդեն պատրաստվում է հաջորդ ընտրություններին: