Ֆրանսիան երբեք չի ծրագրել ռազմածովային ուժեր տեղակայել Հորմուզի նեղուցում. Մակրոն
Նախագահ Էմանուել Մակրոնը կիրակի օրը հայտարարել է, որ Ֆրանսիան «երբեք չի ծրագրել» ռազմածովային ուժեր տեղակայել Հորմուզի նեղուցում։ Այս մասին հայտնում է France 24-ը։
Նրա պարզաբանմամբ՝ Փարիզի քայլերը պետք է դիտարկել բացառապես որպես անվտանգության ապահովման առաքելություն, որը պետք է «համակարգվեր Իրանի հետ»։
Նայրոբիում կայացած մամուլի ասուլիսի ժամանակ Մակրոնը շեշտել է, որ անդրդվելի է իր դիրքորոշման մեջ։
Հիշեցնենք, որ ավելի վաղ Իրանը զգուշացրել էր, որ «վճռական և անհապաղ պատասխան» կտա ռազմավարական նշանակություն ունեցող այդ ջրային ուղու վրա ֆրանսիական կամ բրիտանական զորքերի ցանկացած տեղակայմանը:
Добавить комментарий