Հայաստանի և Ադրբեջանի միջև խաղաղության գործընթացը ներկայումս իրականացվում է երկու ուղղությամբ. Ալիև
Հայաստանի և Ադրբեջանի միջև խաղաղ գործընթացն այժմ ընթանում է երկու ուղղությամբ, հայտարարել է Ադրբեջանի նախագահ Իլհամ Ալիևը Հյուսիսային Մակեդոնիայի արտաքին գործերի նախարար, ԵԱՀԿ գործող նախագահ Բույար Օսմանիի հետ հանդիպմանը, «Դետք»-ի հաղորդմամբ՝ այս մասին գրում է «Minval»-ը։
Ընդգծելով, որ այդ կապակցությամբ Ադրբեջանն առաջարկել է հանդիպումներ կազմակերպել Բաքվում՝ Լեռնային Ղարաբաղի հայ բնակչության հետ անմիջական կապ հաստատելու համար, պետության ղեկավարն ասել է, որ դրա հետ կապված՝ Ադրբեջանը հատուկ ներկայացուցիչ է նշանակել, և որ նրանք հրավիրվել են Բաքու՝ քննարկելու վերաինտեգրման ու տարբեր ենթակառուցվածքների նախագծերը։
Ալիևը միաժամանակ ուշադրություն է հրավիրել, որ Հայաստանի և Ադրբեջանի միջև ընթանում են երկկողմ բանակցություններ խաղաղության պայմանագրի և հարաբերությունների կարգավորման շուրջ։
Անդրադառնալով նախօրեին հայ-ադրբեջանական սահմանին տեղի ունեցած միջադեպին՝ երկրի ղեկավարն ասել է, որ դա «միտումնավոր սադրանք էր Հայաստանի կողմից»։
Добавить комментарий