Թուրքիան մի քանի պայմանի կատարման դեպքում կհամաձայնվի Սիրիայի հետ հարաբերությունները կարգավորել․ «CNN Türk»
Թուրքական «CNN Türk» լրատվամիջոցն անդրադարձել է Սիրիայի հետ հարաբերությունները կարգավորելու հնարավորությանը:
Լրատվամիջոցն առանձնացնում է մի քանի հարց, որոնց լուծման դեպքում հնարավոր կլինի թուրք-սիրիական հարաբերությունների կարգավորում:
Նախ՝ Սիրիայի սահմանադրական հանձնաժողովի աշխատանքներում, որի ստեղծումը համաձայնեցվել է 2018-ի հունվարին Սոչիում կայացած Սիրիայի խորհրդաժողովում, պետք է ներկայացված լինի Սիրիայի ընդդիմություն:
Այնուհետև պետք է ապահովվի փախստականների վերադարձ, որին պետք է նպաստեն նաև Իրանն ու Ռուսաստանը, քանի որ վերջիններս նույնպես համարվում են երաշխավոր երկրներ:
Պետք է ապահովել հումանիտար օգնության անխափան իրականացում Սիրիայի բոլոր շրջաններ:
Եվ վերջում՝ ահաբեկչության դեմ պայքար՝ առանց տարբերություն դնելու «ահաբեկչական կառույցների» միջև: Այստեղ թուրքական աղբյուրն առաջին հերթին նկատի ունի Սիրիայի քրդական ուժերին, որոնց համարում է ահաբեկչական: Անհրաժեշտ է, որ նրանք դուրս գան Սիրիայի հյուսիսից:
Իր հերթին աղբյուրը նշում է՝ Սիրիան էլ պահանջում է, որ Թուրքիայի զինված ուժերը դուրս գան Սիրիայից:
Добавить комментарий