ԱՄՆ-ն պատրաստվում է Իրանի դեմ լայնածավալ պшտերազմի. Washington Post
ԱՄՆ-ն նախապատրաստվում է Իրանի դեմ լայնածավալ ռազմական գործողությունների՝ ուժեղացնելով ռազմական ներկայությունը տարածաշրջանում: Այս մասին պնդում է Washington Post թերթը՝ հղում անելով ամերիկյան պաշտոնյան։
Թերթի տվյալներով՝ Միացյալ Նահանգները Եվրոպայից Մերձավոր Արևելք է տեղափոխում լրացուցիչ մարտական ինքնաթիռներ, ինչպես նաև լցավորող ինքնաթիռներ:
Ամերիկյան պաշտոնյան հաստատել է այն տեղեկությունը, որ տարածաշրջանում նկատվում է ավիացիոն զորքերի ուժեղացում, հատկապես ամերիկյան զինվորների զոհվելու մասին հաղորդագրությունների ֆոնին։
Թերթի զրուցակիցը նաև նշել է, որ ԱՄՆ-ի գործողությունների ընդլայնումը սահմանափակվելու է հակաօդային պաշտպանության և հեռահար զինամթերքի նվազող պաշարներով:
«Մենք բավարար միջոցներ չունենք գործողությունները անվտանգ կերպով շարունակելու համար, և չեմ կարծում, որ Սպիտակ տունը տեղյակ է այդ մասին», - ասել է պաշտոնյան:
Նշենք, որ ավելի վաղ ԱՄՆ կենտրոնական հրամանատարությունը նշել է, որ Հորդանանում ամերիկյան բազաներին Իրանի ԶՈւ-ի հարվածներից հետո, զոհվել է ԱՄՆ-ի 3 զինծառայող: Եվս մեկ ամերիկացի զինծառայող զոհվել է Իրաքում՝ իրանական ԱԹՍ-ի պայթյունի հետևանքով:
Добавить комментарий