ՀԱՊԿ անդամները նոյեմբերին կքննարկեն ՀՀ-ին քվեարկելու իրավունքից զրկելու հարցը
ՀԱՊԿ մարմիններում Հայաստանին քվեարկելու իրավունքից զրկելու որոշումը կպահանջի կոնսենսուս․ РИА Новости-ի հետ զրույցում նշել է ՀԱՊԿ-ում Ռուսաստանի մշտական ներկայացուցիչ Վիկտոր Վասիլևը։
«ՀԱՊԿ Հավաքական անվտանգության խորհրդի հաջորդ նիստը կկայանա Մոսկվայում նոյեմբերի 11-ին, և պետությունների ղեկավարները, հավանաբար, կքննարկեն այս հարցը։ Այդ հարցի վերաբերյալ որոշումը, եթե անհրաժեշտ լինի, կկայացվի կոնսենսուսով»,- գործակալության հետ զրույցում նշել է Վասիլևը։
Նա ընդգծել է, որ ՀԱՊԿ կանոնադրության 25-րդ հոդվածը վերաբերում է քաղաքացիների քվոտային պաշտոններ առաջադրելու իրավունքի, ինչպես նաև Կազմակերպության մարմիններում քվեարկելու իրավունքի կասեցման հնարավորությանը՝ երկու տարվա ընթացքում Կազմակերպության բյուջետային պարտքերի մարման պարտավորությունները չկատարելու դեպքում։
«Փաստորեն, այս իրավիճակը գործում է ավելի քան երկու տարի, քանի որ Հայաստանը չի առաջադրում իր քաղաքացիներին քարտուղարության քվոտային պաշտոնների համար և նաև հետ է կանչել իր ներկայացուցիչներին ՀԱՊԿ միացյալ շտաբից», – եզրափակել է նա։
Հայաստանը 2024 թվականից սառեցրել է իր մասնակցությունը ՀԱՊԿ-ին։
Добавить комментарий