Թուրքիայի խորհրդարանն ընդունել է քրդերին զինաթափելու մասին օրինագիծը

Թուրքիայի խորհրդարանն ընդունել է «Թուրքիան առանց ահաբեկչության» գործընթացի շրջանակներում պատրաստված 12 հոդվածից բաղկացած օրինագիծը։

«Ազգային համերաշխության և սոցիալական միասնության ամրապնդման մասին» վերնագրով փաստաթուղթն ընդունվել է խորհրդարանի 468 պատգամավորի կողմից։ 88-ը դեմ են քվեարկել, իսկ վեցը՝ ձեռնպահ։

Օրենքը սահմանում է «Քուրդիստանի աշխատավորական կուսակցության» գործունեությունը վերացնելու և զենքը հանձնելու գործընթացի իրավական շրջանակը։
Փաստաթուղթը նախատեսում է իրավական մեխանիզմներ, որոնք որոշակի պայմաններում թույլ են տալիս հետաձգել կազմակերպության հետ կապված անձանց նկատմամբ որոշակի քննչական, դատական և քրեական գործընթացները։

Որոշումը համարվում է «Թուրքիան առանց ահաբեկչության» գործընթացի մի մաս։

Օրենքի ուժի մեջ մտնելու համար հաջորդ քայլը նախագահի կողմից հաստատումն ու պաշտոնական տեղեկագրում հրապարակումն է։

«Քուրդիստանի աշխատավորական կուսակցությունը» քրդական քաղաքական և ռազմական կազմակերպություն էր, որը տասնամյակներ շարունակ զինված պայքար էր մղում Թուրքիայի իշխանությունների դեմ՝ քրդերի իրավունքների համար։ 2025 թվականի մայիսին կուսակցությունը պաշտոնապես հայտարարեց իր ինքնալուծարման և քաղաքական պայքարի դեմոկրատական մեթոդների անցնելու մասին։