Գազայում բնակելի շենք է փլուզվել, կա 12 զոհ, 14 վիրավոր, մոտ 100-ը փլատակներում են

Գազայում Իսրայելի հարվածներից նախկինում վնասված յոթ հարկանի շենք է փլուզվել, ինչի հետևանքով զոհվել է առնվազն 12 պաղեստինցի, այդ թվում հինգ երեխա, վիրավորվել 14-ը, հայտնում է Reuters-ը:

Al Jazeera-ի տվյալներով՝ փլատակների տակ դեռ 100 մարդ է մնում, այդ թվում՝ մոտ 50 երեխա։ Դեպքի վայրում աշխատում են փրկարարները:

Գազայի հատվածում Իսրայելի ավիահարվածների հետևանքով օգոսի դրությամբ մոտ 200,000 շենք-շինություն է վնասվել, դրանց մոտ մեկ երրորդն ավերվել է ամբողջությամբ: Վնասված մոտ 2000 շենքերում տասնյակ հազարավոր պաղեստինցիներ են ապրում: Մոտ 400 շենք փլուզման վտանգի տակ է:

Գազայի քաղաքացիական պաշտպանության ծառայության տնօրեն Ռաեդ Ալ-Դահշանը նշել է, որ փլուզված շենքում առնվազն 10 ընտանիք է ապրում, և դեռ ողջ մնացածներին գտնելու հույս կա։ «Մենք դեռ լսում ենք փլատակների տակից ձայներ, ուստի դեռևս հույս կա մարդկանց գտնելու», - ասել է Դահշանը։