Իսրայելի նախագահը դատապարտել է Երուսաղեմի հայ համայնքի դեմ հարձակումները
Իսրայելի նախագահ Իսահակ Հերցոգը դատապարտել է Երուսաղեմի հայ համայնքի դեմ հարձակումները։ Այս մասին հաղորդագրություն է տարածել Երուսաղեմի Հայ Դատի Հանձնախումբը։
«Երուսաղեմի Հայ Դատի կոմիտեն ողջունում է Իսրայելի նախագահ Իսահակ Հերցոգի արձագանքը մեր 2026 թվականի օգոստոսի 7-ի նամակին, որում մենք խորը մտահոգություն ենք հայտնել հայ համայնքի դեմ հարձակումների վերաբերյալ և կոչ ենք արել ձեռնարկել անհրաժեշտ և արդյունավետ միջոցներ՝ համայնքի անդամների և նրանց հաստատությունների պաշտպանությունն ապահովելու համար։
2026 թվականի սեպտեմբերի 16-ի իր նամակում նախագահ Հերցոգը անդրադարձել է այս միջադեպերի լրջությանը և հայտարարել է նման գործողությունների կրկնությունը կանխելու իր հանձնառության մասին։ Նա նաև վերահաստատել է հայ համայնքի կարևորությունը, որը սերունդներ շարունակ Երուսաղեմի կյանքի արժեքավոր մասն է կազմել։ Իր նամակի հատկապես կարևոր հատվածում նախագահը նշում է.
«Ցանկանում եմ ընդգծել, որ կանեմ ամեն ինչ իմ լիազորությունների սահմաններում՝ օգտագործելով իմ տրամադրության տակ եղած բոլոր միջոցները՝ նման միջադեպերի կրկնությունը կանխելու համար»։ Ես համոզված եմ, որ այս անհատները չեն ներկայացնում Իսրայելի իրական դեմքը, և նրանց գործողությունները չեն արտացոլում ո՛չ մեր արժեքները, ո՛չ էլ մեր նվիրվածությունը հայ համայնքին, որը հին և սիրված համայնք է և սերունդներ շարունակ բարի և հարգված հարևան է եղել Երուսաղեմում, որի հետ Հին քաղաքի հրեական համայնքը սերտ կապեր ունի»։
Добавить комментарий