Կատարին հաջողվել է «առնվազն երկու շաբաթով» հետաձգել ԱՄՆ-ի հարվածներն Իրանին
Կատարը կարողացել է «առնվազն երկու շաբաթով» հետաձգել ԱՄՆ-ի կողմից Իրանի դեմ հնարավոր հարվածների վերսկսումը: Այս լրացուցիչ ժամանակը թույլ կտա շարունակել Վաշինգտոնի և Թեհրանի միջև փոխըմբռնման հասնելու դիվանագիտական ջանքերը։
Այս մասին, ТАСС-ի փոխանցմամբ, հայտարարել է Կատարի վարչապետ և արտաքին գործերի նախարար շեյխ Մոհամմեդ բին Աբդուլռահման ալ Թանին Փարիզում կայացած «Մեծ յոթնյակի» (G7) արտաքին գործերի նախարարների հանդիպման ժամանակ։
Դիվանագիտական աղբյուրի համաձայն՝ Կատարի արտաքին գործերի նախարարը Փարիզում հայտարարել է, որ ԱՄՆ-ի և Իրանի միջև պահպանվում են զգալի տարաձայնություններ, և մի շարք հարցեր, այդ թվում՝ կողմերի միջև ձեռք բերված համաձայնագրի իրականացման ժամանակացույցը, դեռ լուծված չեն:
«Կան անհամաձայնություններ քայլերի հերթականության վերաբերյալ, այդ թվում՝ ծովային շրջափակման վերացման, միջուկային հարցի և իրանական ակտիվների ապասառեցման վերաբերյալ»,- նշել է աղբյուրը։
Добавить комментарий