Իրանն ու Սիրիան քննարկում են համատեղ զորավարժություններ անցկացնելու հարցը
Իրանի Իսլամական Հանրապետության զինված ուժերի գլխավոր շտաբի պետ Մոհամմադ Բաղերին Սիրիայի պաշտպանության նախարար Ալի Մահմուդ Աբասի հետ քննարկել է երկու երկրների միջև համատեղ զորավարժությունների անցկացման հարցը։ Իրանական IRNA լրատվական գործակալության հաղորդմամբ՝ Բաղերին և Աբասը Թեհրանում քննարկել են երկկողմ հարաբերությունները և համատեղ համագործակցության զարգացումը՝ երկու բարեկամ երկրների ու նրանց ժողովուրդների շահերն ապահովելու համար։
Հանդիպման ընթացքում Բաղերին կարևորել է Իրանի և Սիրիայի հարաբերությունների խորությունը՝ նշելով, որ Սիրիան իր անսասան ղեկավարությամբ, ժողովրդով և բանակով կանխել է դավադրությունները, հաղթել ահաբեկչությանը և պաշտպանել իր անկախությունն ու ազգային ինքնիշխանությունը։ Նա Աբասի այցը Թեհրան կարևոր է համարել երկու երկրների միջև համակարգման և խորհրդակցությունների բարելավման առումով՝ ընդգծելով տարբեր ոլորտներում Իրանի շարունակական աջակցությունը Սիրիային։
Սիրիայի պաշտպանական գերատեսչության ղեկավարն իր հերթին ասել է, որ երկու երկրների սերտ համագործակցությունն դրական արդյունքներ է տվել ահաբեկչության ագրեսիվ ծրագրերի տապալման գործում։ Նրա համոզմամբ՝ ահաբեկչության դեմ հաղթանակը համատեղ հաղթանակ է, քանի որ սիրիական և իրանական արյունը խառնվել է սիրիական տարածքների վրա։
Աբասը շնորհակալություն է հայտնել Իրանի Իսլամական Հանրապետությանն ահաբեկչության դեմ պատերազմում Սիրիային աջակցելու համար։ Նա միևնույն ժամանակ ընդգծել է երկու երկրների միջև շարունակական համագործակցության, խորհրդակցությունների և համակարգման կարևորությունը։
Добавить комментарий