Իրանը հայտնում է Իսրայելի հետ կապ ունեցող ահաբեկչական խմբավորումների անդամների ձերբակալության մասին
Իրանի Իսլամական Հանրապետության հետախուզության նախարար Էսմայիլ Խաթիբը հայտարարել է, որ երեքշաբթի երկրի տարածքում ահաբեկչական խմբավորումների տասներկու անդամ է ձերբակալվել։ Այս մասին տեղեկացնում է իրանական IRNA լրատվական գործակալությունը։
Պաշտոնյան միևնույն ժամանակ չի հստակեցրել, թե ձերբակալված անձինք որ ահաբեկչական կազմակերպությունների անդամ են եղել։
«Այդ ահաբեկչական խմբավորումները ծրագրում էին վրեժխնդիր լինել տարբեր գործողություններում կրած վերջին պարտությունների համար»,- ասել է Իրանի հետախուզության նախարարը։
Խաթիբը տեղեկացրել է, որ ահաբեկչական խմբավորումների անդամները մտադիր էին դիվերսիա իրականացնել Իրանի տարածքում։ Նա նաև ուշադրություն է հրավիրել այն բանին, որ վերջիններս կապված են սիոնիստական ռեժիմի (նկատի ունի Իսրայելը - խմբ.) հետ։
Է. Խաթիբը նաև հավելել է, որ Իրանի թշնամիներն ապակայունացման նոր ուղիներ էին փնտրում 22-ամյա Մահսա Ամինիի մահվան կապակցությամբ բողոքի ցույցերի ձախողման ֆոնին։
Добавить комментарий