Ուկրաինացիները հաքերները ռուսական հեռուստատեսությամբ հեռարձակել են Զելենսկու ուղերձը
Ուկրաինայի նախագահ Վլադիմիր Զելենսկու ուղերձը երեկ, որոշ տեխնիկական ընդհատումներով, ցուցադրվել է Ռուսաստանի Բելգորոդի և Կրասնոդարի մարզերում, ինչպես նաև Ղրիմում:
Ուղերձը հեռարձակվել է «СТС» և «ТНТ» ռուսաստանյան հեռուստաընկերությունների ամենօրյա սովորական ծրագրերի փոխարեն: Հեռարձակումը ժամանակ առ ժամանակ անհետացել և վերականգնվել է:
Ղրիմի ղեկավարի տեղեկատվական քաղաքականության հարցերով խորհրդական Օլեգ Կրյուչկովի փոխանցմամբ` ռուսական եթերում Ուկրաինայի նախագահի ուղերձի հեռարձակումն ամերիկացիների օգնությամբ կատարված հաքերային միջամտության հետևանք է:
«Ամերիկացիները դեռ «հատուկ ռազմական օպերացիայի» առաջին փուլում են Ուկրաինայի հատուկ ծառայություններին տրամադրել ամենամեծ առցանց կայանների ծրագրային գաղտնաբառերը: Կաբելային օպերատորները հաճախ համացանցից են վերցնում ազդանշանը: Ռազմաճակատում ուկրաինացիների գործերը լավ չեն, դրա համար էլ նրանք հաքերային գրոհների են դիմում», - ասել է Կրյուչկովը:
Բելգորոդի իշխանություններն էլ հայտնել են, թե «տեղի է ունեցել արբանյակից ստացվող ազդանշանի ապօրինի փոփոխություն»:
Добавить комментарий