«Մենք ցնցված ենք Ադրբեջանի դեսպանատան վրա հերթական հարձակումից». Զախարովա

Պաշտոնական Մոսկվան դատապարտել է Թեհրանում Ադրբեջանի դեսպանատան նկատմամբ իրականացված զինված հարձակումը։

Այս մասին իր տելեգրամյան էջում գրել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան։

Նա ընդգծել է, որ իրենք ցնցված են Ադրբեջանի դեսպանատան նկատմամբ իրականացված հարձակումից, միևնույն ժամանակ ցավակցություն է հայտնել Ադրբեջանի իշխանություններին։

«Մենք ցնցված ենք Ադրբեջանի դեսպանատան վրա հերթական հարձակումից, որի ժամանակ անվտանգության աշխատակից է սպանվել։ Մենք մեր ցավակցությունն ու զորակցությունն ենք հայտնում մեր ադրբեջանցի գործընկերներին։ Ավելի ուշ մանրամասն մեկնաբանություն կտանք այս հարցի վերաբերյալ»,- գրել է Զախարովան։