Ադրբեջանը դեռևս չի արձագանքել խաղաղության պայմանագրի վերաբերյալ Հայաստանի նոր առաջարկին․ փոխվարչապետ
Ադրբեջանական կողմը դեռևս չի արձագանքել Հայաստանի և Ադրբեջանի միջև խաղաղության պայմանագրի վերաբերյալ հայկական կողմի նոր առաջարկին։ Այս մասին այսօր լրագրողների հետ զրույցում ասել է փոխվարչապետ Մհեր Գրիգորյանը։
«Իմ ունեցած տեղեկություններով՝ դեռևս արձագանք չկա վերջին առաջարկի վերաբերյալ»,- ասել է փոխվարչապետը՝ պատասխանելով լրագրողի հարցին, թե արդյոք Ադրբեջանն արձագանքել է խաղաղության պայմանագրի վերաբերյալ Հայաստանի՝ վերջերս փոխանցած առաջարկներին։
Հիշեցնենք, որ Նիկոլ Փաշինյանն օգոստոսի 25-ի Կառավարության նիստին հայտնել էր, որ հայկական կողմն ադրբեջանական կողմին է փոխանցել Հայաստանի և Ադրբեջանի միջև խաղաղության պայմանագրի վերաբերյալ իր նոր առաջարկները։
Добавить комментарий