Ադրբեջանի ՆԳՆ-ն հատուկ գործողություն է իրականացրել «իրանական լրտեսներին» բացահայտելու համար

Ադրբեջանի ներքին գործերի նախարարությունը հատուկ գործողություն է իրականացրել՝ երկրի տարածքում գործող «իրանական լրտեսներին» բացահայտելու համար։ Այս մասին տեղեկացնում են ադրբեջանական լրատվամիջոցները։

Հաղորդվում է, որ գործողության ժամանակ Իրանի օգտին աշխատելու կասկածանքով 7 մարդ է ձերբակալվել։

Հայտարարության համաձայն՝ հատուկ գործողություն է իրականացվել  իրանամետ «SalamNews» լրատվական գործակալությունում և «Interaz» հեռուստաալիքում։ Նշվում է, որ լրատվամիջոցները զբաղվել են Իրանի քաղաքականության և նրա շահերի քարոզչությամբ։

Դեպքի վերաբերյալ ին այլ տեղեկություններ դեռևս հայտնի չեն։