Ֆրանսիական ո՞ր ՀՕՊ համակարգերն են հարմար Հայաստանի համար. փորձագետը նշել է առաքման հնարավոր ժամկետները

Ֆրանսիական զենքի մատակարարումը, ինչպես ցանկացած այլ զենքինը, որը կողմերը համաձայնում են գնել և վաճառել, կարող է տարիներ տևել: Թերեւս, եթե խոսեինք ուկրաինական պատերազմի մեկնարկին նախորդած ժամանակի մասին, կարող էի ենթադրել, որ Հայաստանին պատրաստի զենք կվաճառվեր։ Այս մասին NEWS.am -ի թղթակցի հետ զրույցում ասել է ռազմական փորձագետ Լեոնիդ Ներսիսյանը։

«Ֆրանսիան այն հազվագյուտ արևմտյան երկրներից է, որն արտադրում է հակաօդային պաշտպանության գրեթե բոլոր էշելոնները՝ Rapid Fire զենիթահրթիռից մինչև ժամանակակից Aster զենիթահրթիռային համակարգեր, որոնք իրենց դասով համեմատելի են ռուսական հեռահար S-300 համալիրի հետ:

Հայաստանին հարմար կլիներ կարճ և միջին հեռահարության զենքերը, այդ թվում՝ Mistral հակաօդային պաշտպանության փոքր հեռահարության համակարգը (խոսքը վերաբերում էր Mistral-ի ապագա մատակարարման պայմանագրին, որի մասին խոսեց Ֆրանսիայի պաշտպանության նախարարը- խմբ.), Crotale Mk3 կարճ հեռահարության հրթիռային համակարգը, որն իր տեխնիկական բնութագրերով և հնարավորություններով մոտ է ռուսական Тор-ին։

Հատկապես Հայաստանի համար կարող է հետաքրքիր լինել Mica միջին հեռահարության համակարգը, որը դասերով նման է ռուսական Бук-ին։

Այս համակարգերը համեմատաբար մատչելի են և ավելի հարմար են հայաստանյան աշխարհագրությանը, և կարծում եմ, որ առաքման ժամանակն ավելի արագ կլինի։ 2020 թվականին Մարոկկոն այս համակարգի մեկ մարտկոցը 100 միլիոն դոլարով է գնել։ Կարծում եմ՝ Հայաստանը կարող է իրեն թույլ տալ նույնիսկ չորս մարտկոց գնել»,- ընդգծել է Ներսիսյանը։

Փորձագետը կրկնել է, որ գնված զինատեսակների արտադրությունը կարող է տևել առնվազն մեկ տարի, և այս ընթացքում կարող է կազմակերպվել նաև ուսուցում։

Ներսիսյանը խորհուրդ է տվել ձեռք բերել մի քանի հակաօդային պաշտպանության համակարգեր։

«Բոլոր ֆրանսիական համակարգերը ինտեգրված են միմյանց հետ, ինչը թույլ է տալիս ամբողջ ավտոմատացված կառավարման համակարգը միասին օգտագործել, ինչը բարձրացնում է արդյունավետությունը»,- նշել է նա։

Հիշեցնենք, որ Հայաստանի և Ֆրանսիայի պաշտպանության նախարարները երեք GM 200 ռադարների վաճառքի մասին պայմանագիր են ստորագրել, ինչպես նաև հուշագիր՝ ֆրանսիական Mistral փոքր հեռահարության հակաօդային պաշտպանության համակարգերի ապագա մատակարարումների վերաբերյալ։