Արցախում մնացած հայերին թույլ չեն տալիս զրուցել հարազատների հետ առանց հսկողության. Լինդսի Սնել
Միջազգային հայտնի լրագրող Լինդսի Սնելը, որ լուսաբանում է հակամարտություններն ու դրանց հետևանքները, X սոցցանցի իր միկրոբլոգում հրապարակել է տեսանյութ, որտեղ արցախցի կինը պատմում է, թե ինչպես է հայրն անդրդվելի եղել որոշման մեջ ու մնացել Արցախում։
«Ես խոսել եմ Լեռնային Ղարաբաղում (Արցախում - խմբ.) մնացած մի քանի մարդկանցից մեկի դստեր հետ։ Ադրբեջանական պետական լրատվամիջոցները վերջերս պարծենում էին, որ Ադրբեջանը տեղական հեռահաղորդակցական ծառայություններ է ստեղծում, սակայն Լեռնային Ղարաբաղում մնացած հայերը չունեն ինտերնետ կամ բջջային կապ, և նրանց թույլ չեն տալիս խոսել իրենց սիրելիների հետ առանց հսկողության:
Եվ որպես Ադրբեջանի «վերաինտեգրման» մաս` Ադրբեջանի իշխանություններն առգրավեցին այնտեղ մնացածների հայկական անձնագրերը, բայց նրանց ադրբեջանական անձնագրեր չեն տրամադրել: Սա նշանակում է, որ ԼՂ-ում մնացած հայերը ներկայումս քաղաքացիություն չունեն»,- գրում է հայտնի լրագրողը։
Добавить комментарий