Ֆրանսիան և Իտալիան գնելու են մոտ 700 «Aster» հրթիռ

Ֆրանսիան և Իտալիան երկուշաբթի պայմանավորվել են «Eurosam»-ից գնել մոտ 700 «Aster» միջին
հեռահարության զենիթային հրթիռ։
Դեկտեմբերի 30-ին երկու երկրները ֆրանս-իտալական «Eurosam» կոնսորցիումին շուրջ 700 «Aster»
հրթիռների արտադրության պայմանագիր են ուղարկել, ասվում է Ֆրանսիայի ԱԳՆ հաղորդագրության մեջ։
Պայմանագրի համաձայն՝ Իտալիան և Ֆրանսիան կստանան «Aster 15», «Aster 30B1» և վերջին
տարբերակի «Aster 30 B1NT» հրթիռները։
Նախարարությունը նշել է, որ սա իր տեսակի մեջ ամենամեծ պատվերներից մեկն է և հավելել, որ դա
կպահանջի հարմարեցումներ ամբողջ արդյունաբերական շղթայում: