Կրեմլը քննադատում է ՆԱՏՕ-Ուկրաինա «սադրիչ» ծրագիրը
ՌԴ նախագահի մամուլի խոսնակ Դմիտրի Պեսկովը հինգշաբթի անդրադարձել է Ուկրաինայի հետ Հյուսիսատլանտյան դաշինքի համագործակցության նոր ծրագրին՝ այն անվանելով «ՆԱՏՕ-ի սադրիչ գործողություն» Ռուսաստանի անվտանգության համատեքստում։ «Դետքը» այս մասին տեղեկանում է պաշտոնական Ռուսաստանից։
«Ակնհայտ է, որ ՆԱՏՕ-ն պատրաստվում է շարունակել համագործակցությունն Ուկրաինայի հետ: Այո, դա մեզ դուր չի գալիս, և ՆԱՏՕ-ի գործողությունները սադրիչ են՝ կապված մեր անվտանգության հետ»,- ասել է նա մամուլի ասուլիսի ժամանակ։
Մեկնաբանելով Հայաստանի և Մեծ Բրիտանիայի միջև 2023-2024 թվականների համար ստորագրված պաշտպանական համագործակցության ծրագիրը՝ Պեսկովը շեշտել է Երևանի իրավունքը՝ զարգացնելու հարաբերություններն այլ պետությունների հետ, ինչպես որ նպատակահարմար է գտնում։
«Մենք մեր հարաբերություններն ունենք Հայաստանի հետ, և, իհարկե, Հայաստանը բարեկամ երկիր է, մեր դաշնակիցն է, մենք շարունակելու ենք զարգացնել մեր դաշնակցային հարաբերությունները»,- նշել է նա։
Добавить комментарий