Թուրքիայի արտգործնախարար Հաքան Ֆիդանն Էնթոնի Բլինքենի հետ քննարկել է Գազայում տիրող վիճակը
Թուրքիայի արտգործնախարար Հաքան Ֆիդանը Վաշինգտոնում հանդիպել է ԱՄՆ պետքարտուղար Էնթոնի Բլինքենի հետ:
«Մենք խոսեցինք Գազայում հակամարտությունն ավելի չտարածելուն ուղղված ջանքերի և մարդասիրական օգնության տրամադրման մասին։ Ընդգծվել է առանց հետաձգման ՆԱՏՕ-ին Շվեդիայի անդամակցության վավերացման կարևորությունը»,- X-ի իր էջում գրել է ԱՄՆ պետքարտուղարը։
Ֆիդանը նշել է, որ Անկարան իր դիրքորոշումը Գազայի հատվածում տիրող իրավիճակի վերաբերյալ շատ պարզ է ներկայացնում իր ամերիկացի գործընկերներին:
«ԱՄՆ-ին շատ հստակ ասել ենք Գազայում իրավիճակի լրջության մասին, և որ այլևս հանդուրժողականություն չի լինելու, ինչպես նաև տեղեկացրել ենք, թե ինչ քայլեր պետք է ձեռնարկվեն այս առումով»-, ասել է Թուրքիայի արտաքին գերատեսչության ղեկավարը:
Նշենք, որ Բլինքենն ու Ֆիդանը վերջին անգամ հանդիպել էին Բրյուսելում՝ ՆԱՏՕ-ի անդամ պետությունների ԱԳ նախարարների հավաքի շրջանակում։
Добавить комментарий