Իրանում պայթյունի հետևանքով առնվազն 25 մարդ է զոհվել

Իրանի պաշտոնական IRNA լրատվական գործակալությունը հաղորդում է, որ Իրանի Քերման քաղաքում պայթյուն է որոտացել։

Գործակալության տվյալներով՝ պայթյունը տեղի է ունեցել դեպի գերեզման տանող ճանապարհին, որտեղ թաղված է ԻՀՊԿ գեներալ Ղասեմ Սոլեյմանին: Պայթյունի հետևանքով զոհվել է առնվազն 25 մարդ:

Պայթյունը տեղի է ունեցել Սոլեյմանիի մահվան տարելիցին նվիրված հիշատակի արարողության ժամանակ, պատճառն անհայտ է։

Նշենք, որ Ղասեմ Սոլեյմանին ԱՄՆ զինվորականների կողմից սպանվել  է Իրաքում 2020 թվականի հունվարի 3-ին։