Ռուսաստանը նախատեսում է Իրանից բալիստիկ հրթիռներ գնել
Ռուսաստանի Դաշնությունը ծրագրում է Իրանի Իսլամական Հանրապետությունից փոքր հեռահարության բալիստիկ հրթիռներ գնել։ Ըստ «Դետք»-ի՝ այս մասին գրել է «The Wall Street Journal»-ը՝ հղում անելով ամերիկացի պաշտոնյաներին։
Լրատվամիջոցը հայտնում է, որ դա կընդլայնի Մոսկվայի կարողությունը՝ հարվածելու ուկրաինական ենթակառուցվածքին հակամարտության կարևոր պահին:
Մոսկվայի ծրագրերը խոր անհանգստություն են առաջացրել Բայդենի վարչակազմի ներսում: Դրանք առաջացել են այն բանից հետո, երբ Կոնգրեսի աջակցությունն ԱՄՆ-ի կողմից Ուկրաինային շարունակվող ռազմական օգնությանը թուլանում է: Օրենսդիրները դեռ պետք է ընդունեն օրինագիծ, որը լրացուցիչ ֆինանսավորում կապահովի Ուկրաինային:
«Միացյալ Նահանգները մտահոգված է, որ Իրանից փոքր հեռահարության բալիստիկ հրթիռներ ձեռք բերելու ռուսական բանակցություններն առաջ են ընթանում»,- ասել է ամերիկացի պաշտոնյան, որը նախընտրել է անանուն մնալ։
Նշվում է, որ իրանական հրթիռների մատակարարումը կարող է տեղի ունենալ արդեն այս տարվա գարնանը, եթե գործարքը կայանա:
Պաշտոնյաների խոսքով՝ Ռուսաստանն արդեն սկսել է արձակման կայանքներ և մի քանի տասնյակ բալիստիկ հրթիռ ստանալ նաև Հյուսիսային Կորեայից։
Добавить комментарий