Ադրբեջանի ԶՈՒ օպերատիվ ստորաբաժանումները զորավարժություններ են անցկացրել

Ադրբեջանի պաշտպանության նախարարությունը հայտնում է զինված ուժերի օպերատիվ ստորաբաժանումների զորավարժությունների մասին։

Ըստ պաշտպանական գերատեսչության հաղորդագրության՝ վարժանքների ընթացքում զինվորականներին հանձնարարված էր «վնասազերծել պայմանական հակառակորդի ժամանակավոր ապաստարանները»։

««Կոմանդոսը», ներթափանցելով օպերատիվ տարածք, հաջողությամբ ավարտել է պայմանական հակառակորդի ժամանակավոր ապաստարանների հայտնաբերման և վնասազերծման, վիրավորներին տարհանելու և այլ առաջադրանքներ»,- ասվում է հաղորդագրությունում։