Ադրբեջանական «Կոմանդո» զորքերը զորավարժություններ են անցկացրել
Ադրբեջանական բանակի օպերատիվ ստորաբաժանումները («Կոմանդո») հատուկ մարտավարական զորավարժությունների շրջանակում կատարել են պայմանական հակառակորդի դիվերսիոն խմբի վնասազերծման խնդիրը։
Այս մասին հայտնում է Ադրբեջանի ՊՆ-ն։
«Տարածքի տեսողական դիտարկման միջոցով պայմանական հակառակորդի թիրախը գնահատելուց հետո նրա զինտեխնիկան ներքաշվել է դարանակալման մեջ, և խմբի անդամները գերեվարվել են: «Կոմանդոն» բարձր պրոֆեսիոնալիզմով կատարել է առաջադրանքը կլիմայական ծանր պայմաններում»,- ասված է Պաշտպանության նախարարության հաղորդագրության մեջ։
Օպերատիվ ստորաբաժանումների հատուկ վարժանքներն անցկացվում են 2024 թվականի ուսումնական պլանի համաձայն։
Добавить комментарий