Իրանը հրաժարվել է Ադրբեջանի օգնությունից՝ ընդունելով ռուսականը

Իրանը մարդասիրական օգնություն է ընդունել Ռուսաստանից, սակայն հրաժարվել է ադրբեջանականից։ Իրանական լրատվամիջոցները գրում են, որ Ռուսաստանի մարդասիրական օգնությունն Իրանի հյուսիս-արևմուտքում գտնվող Խոյ քաղաքում երկրաշարժից տուժածներին ճանապարհին է։

Բացի դրանից՝ Իրանում ՌԴ դեսպանատունը հաղորդագրություն է տարածել, որ երկրաշարժից տուժածներին օգնության առաջին խմբաքանակը կուղարկվի վաղը։ Ռուսաստանի Դաշնության կողմից ուղարկված օգնությունն Իրան կուղարկվի Հայաստանի տարածքով։

Ավելի վաղ Թուրքիան և Ադրբեջանն առաջարկել էին իրենց օգնությունը, սակայն իրանական կողմը մերժել էր։