Պուտինի դաշնակիցը զգուշացնում է ՆԱՏՕ-ին բալիստիկ հրթիռներով հարվածելու մասին
Ռուսաստանի նախկին նախագահ Դմիտրի Մեդվեդևը սպառնացել է օգտագործել բալիստիկ հրթիռներ և նախազգուշացրել է «ապոկալիպսիսի» մասին, եթե ՆԱՏՕ-ի և Մոսկվայի միջև ուղղակի հակամարտություն լինի։ Այս մասին «Դետքը» տեղեկանում է «Newsweek.com»-ից։
Ռուսաստանի անվտանգության խորհրդի փոխնախագահ և նախագահ Վլադիմիր Պուտինի դաշնակից Մեդվեդևը «Տելեգրամում» գրել է, որ դաշինքի քաղաքական առաջնորդների միջև «վտանգավոր խոսակցություններ» են եղել Մոսկվայի և ՆԱՏՕ-ի միջև պատերազմի հավանականության մասին, չնայած Ռուսաստանը «բազմիցս» հայտարարել է, որ նման հակամարտության ծրագրեր չկան։
Նա ասել է, որ նման խոսակցությունների նպատակն է արդարացնել իր դաշնակիցների կողմից Ուկրաինայի վրա կատարված հսկայական ծախսերը՝ ավելի շատ տանկեր, արկեր, անօդաչու սարքեր և այլ զենքեր արտադրելու համար։
«Սա հիմնված է մեր դոկտրինալ ռազմական փաստաթղթերի վրա և քաջ հայտնի է բոլորին,- չորեքշաբթի գրել է Մեդվեդևը։- Սա տխրահռչակ ապոկալիպսիս է, ամեն ինչի վերջը»:
Добавить комментарий