Պուտինը վստահ է՝ Ռուսաստանը և Ուկրաինան վաղ թե ուշ համաձայնության կգան

Ռուսաստանի Դաշնության նախագահ Վլադիմիր Պուտինը վստահ է՝ ՌԴ-ն ու Ուկրաինան վաղ թե ուշ համաձայնության կգան, և ժողովուրդների միջև հարաբերությունները կվերականգնվեն, նույնիսկ եթե դա երկար ժամանակ պահանջի։ Ըստ «Դետք»-ի՝ այս մասին Պուտինն ասել է ամերիկացի լրագրող Թակեր Կարլսոնին տված հարցազրույցում, որը հրապարակվել է լրագրողի կայքում։

«Վաղ թե ուշ մենք համաձայնության կգանք։ Եվ գիտե՞ք ինչ, այսօրվա իրավիճակում կարող է նույնիսկ տարօրինակ հնչել. ժողովուրդների հարաբերությունները, այնուամենայնիվ, կվերականգնվեն։ Դա շատ ժամանակ կպահանջի, բայց դրանք կվերականգնվեն»,- նշել է նա։

Պուտինն իր խոսքերը հիմնավորել է անսովոր օրինակներով։ «Ռազմի դաշտում բախում է, կոնկրետ օրինակ՝ ուկրաինացի զինվորները շրջապատված են, սա կոնկրետ օրինակ է կյանքից, ռազմական գործողություններից, մեր զինվորները գոռում են նրանց. «Հնարավորություն չկա, հանձնվեք», «Դուրս արի, կենդանի կլինես, հանձնվիր»։ Եվ հանկարծ այնտեղից բղավում են ռուսերենով, լավ ռուսերենով. «Ռուսները չեն հանձնվում»: Եվ բոլորը մահացան: Նրանք մինչև հիմա իրենց ռուս են զգում»,- ասել է նա։

Ռուսաստանի առաջնորդը համոզմունք է հայտնել, որ այն, ինչ տեղի է ունենում, որոշակի չափով քաղաքացիական պատերազմի տարր է։

Ըստ նրա` Արևմուտքում բոլորը կարծում են, որ կռիվներն ընդմիշտ բաժանել են ռուս ժողովրդի մի մասին մյուսից։ «Ոչ վերամիավորումը տեղի կունենա: Այն ոչ մի տեղ չի գնացել»,- եզրափակել է նա: