Իրանը պաշտպանական ոլորտում համագործակցում է տարբեր երկրների հետ. Իրանի պաշտպանության նախարար
Իրանի պաշտպանության նախարար Մոհամմադ Ռեզա Աշտիանին հայտարարել է, որ երկիրը պաշտպանական ոլորտում համագործակցում է տարբեր երկրների հետ: Ինչպես տեղեկացնում է իրանական «Mehr» լրատվական գործակալությունը, Աշտիանին այս մասին ասել է Իրանի սահմանապահ նավատորմի կազմակերպած արարողության ժամանակ։
Աշտիանին շեշտել է, որ Իրանի ձեռնարկած քայլը համահունչ է ահաբեկչության, թմրամիջոցների, ապրանքաշրջանառության դեմ պայքարին։ Նրա խոսքով՝ պաշտպանական արդյունաբերության անձնակազմի փորձաքննության շնորհիվ Իրանի զինված ուժերը համալրված է նորագույն բանակային սարքավորումներով, որոնք ուշագրավ հատկանիշներ ունեն։
Անդրադառնալով պաշտպանության ոլորտում տարբեր երկրների հետ Իսլամական Հանրապետության համագործակցությանը՝ Իրանի պաշտպանական գերատեսչության ղեկավարը նշել է, որ համագործակցությունը փաստում է Իրանի ռազմական հզորությունը։
Աշտիանին հավելել է, որ Իրանը խաղաղության և կայունության կողմնակից է՝ նշելով, որ երկիրը դեմ է ցանկացած պատերազմի և բռնության։
«Իսլամական Հանրապետության գոյության սկզբից թշնամիներն անհամար դավադրություններ են մշակել, սակայն ապարդյուն։ Նրանց սխեմաները հակառակ արդյունք են տվել»,- եզրափակել է նա։
Добавить комментарий