Ադրբեջանցի ռազմական օդաչուները ուսումնական թռիչքներ են իրականացրել

Ադրբեջանի ռազմաօդային ուժերի ավիացիոն տեխնիկան իրականացրել է ուսումնական թռիչքներ։

Ըստ Ադրբեջանի պաշտպանության նախարարության՝ զորավարժությունները տեղի են ունեցել 2024 թվականի համար նախատեսված ուսումնական պլանի շրջանակում, որը հաստատել է նախարար Զաքիր Հասանովը։

Սցենարին համապատասխան՝ «Սու-25ՄԼ» և «Սու-25» տիպի ինքնաթիռների վրա ռազմական օդաչուները կատարել են ցերեկային թռիչք-վայրէջք, ինչպես նաև տարբեր բարձրություններում աերոբատիկ և մարտական ​​մանևրեր։