Թավրիզում վերջին հրաժեշտն են տալիս Ռայիսիին և Աբդոլլահիանին
Իրանի Իսլամական Հանրապետության Թավրիզ քաղաքում մեկնարկել է ուղղաթիռի կործանման հետևանքով զոհված նախագահ Էբրահիմ Ռայիսիի և արտաքին գործերի նախարար Հոսեյն Ամիր Աբդոլլահիանի վերջին հրաժեշտի արարողությունը։ Ըստ «Դետք»-ի՝ տեղեկությունը հաղորդում է իրանական պետական IRNA լրատվական գործակալությունը։
Ըստ Իրանի պետական լրատվականի՝ սգո երթին մասնակցում է մի քանի հազար մարդ, մեծամասնությունը սգո հանդերձանքով է։
Նշվում է, որ հուղարկավորությունները տեղի կունենան Իրանի այլ քաղաքներում։ Թավրիզից հետո զոհերի դիակներով դագաղները կուղարկվեն Թեհրան՝ համընդհանուր հիշատակի աղոթքի համար մայրաքաղաքի մզկիթում։
Իրանի նախագահ Էբրահիմ Ռայիսիին կթաղեն իր հարազատ Մեշհեդ քաղաքում` իմամ Ռեզայի դամբարանում։
Добавить комментарий