Ֆիդանը պաշտոնական այցով գտնվում է Չինաստանում

Թուրքիայի ԱԳ նախարար Հաքան Ֆիդանը պաշտոնական այցով գտնվում է Չինաստանի Ժողովրդական Հանրապետությունում։ Այս մասին տեղեկանում ենք թուրքական «TRT Haber» լրատվական կայքից։

Հաքան Ֆիդանը Պեկինում հանդես է եկել «Թուրքիա-Չինաստան հարաբերությունները փոփոխվող աշխարհակարգում» խորագրով ելույթով։ 

Նա հանդիպել է Չինաստանի կոմկուսի կենտկոմի քաղբյուրոյի անդամ, քաղաքական և իրավական հարցերի հանձնաժողովի նախագահ Չեն Վենչինգի հետ։

Ֆիդանն ավելի ուշ ներկա է գտնվել Պեկինում Թուրքիայի դեսպանատանը կազմակերպված ծրագրին, հանդիպել է Պեկինում բնակվող թուրք գործարարների ու քաղաքացիների հետ։

Նշենք, որ թուրք պաշտոնյան կմեկնի նաև Սինցզյան ույղուրական ինքնավար մարզ այցի ծրագրի շրջանակում, որը կտևի մինչև հունիսի 5-ը։