Գազայում հրադադարի շուրջ բանակցություններում դրական առաջընթաց կա. Էրդողան

Թուրքիայի նախագահ Ռեջեփ Թայիփ Էրդողանը հայտարարել է, որ վերջին երկու-երեք օրվա ընթացքում Գազայի շուրջ բանակցությունների ընթացքում դրական քայլեր են ձեռնարկվել, որոնք նախատեսում են կայուն հրադադար:

««Մոսադի» ղեկավարը Դոհայում բանակցություններ է վարել ՀԱՄԱՍ-ի ներկայացուցիչների հետ։ Հիմա կրակի դադարեցման մասին խոսելիս` ասում են` ցանկացած պահի։ Այլ կերպ ասած` այնտեղից լուրերը կարող են գալ ցանկացած պահի»,- նշել է Էրդողանը։

Էրդողանն ընդգծել է, որ «Իսրայելը պետք է հրաժարվի տարածաշրջանում հակամարտություններ տարածելու իր մտադրությունից»

Նա նաև հայտարարել է, որ արևմտյան երկրները, հատկապես ԱՄՆ-ը , այս փուլում պետք է հրաժարվեն Իսրայելին աջակցելուց: