Նեթանյահուն պնդում է՝ Իրանում կամ Մերձավոր Արևելքում Իսրայելի համար անհասանելի վայր չկա
Իսրայելի վարչապետ Բենիամին Նեթանյահուն հայտարարել է, որ Իսրայելի կողմից լիբանանյան «Հիզբոլլահ» շարժման ղեկավար Հասան Նասրալլահի սպանությունը կվերափոխի Մերձավոր Արևելքի ուժային կառույցների հավասարակշռությունը։ Ըստ «Դետք»-ի՝ տեղեկությունը հայտնում է «The Jerusalem Post» պարբերականը։
Հաղորդվում է, որ Նեթանյահուն զգուշացրել է Իրանին, որ Իսրայելի բանակը կարող է տարածաշրջանում հարվածել իրեն անհրաժեշտ ցանկացած վայրի:
Ելույթ ունենալով Երուսաղեմից՝ Նեթանյահուն ասել է, որ Իսրայելի կողմից Նասրալլահի թիրախավորումը անհրաժեշտ էր Իսրայելի պատերազմական նպատակներին հասնելու համար։ Նրա խոսքով՝ այդ նպատակը երկրի հյուսիսային հատվածի բնակիչներին, որոնք տեղահանվել են «Հիզբոլլահի» կողմից ակտիվ հրթիռակոծության հետևանքով, ապահով վերադարձն ապահովելն է։
«Նասրալլահը հերթական ահաբեկիչը չէր. նա հենց ահաբեկիչ էր: Նասրալլահի վերացումն էական պայման էր մեր առջև դրված նպատակներին հասնելու համար՝ հյուսիսի բնակիչներին անվտանգ վերադարձնել իրենց տները և փոխել ուժերի հավասարակշռությունը տարածաշրջանում: Նրանք, ովքեր հարվածում են մեզ, պետք է իմանան՝ մենք կհարվածենք նրանց: Իրանում կամ Մերձավոր Արևելքում չկա մի վայր, որը հասանելի չէ Իսրայելի երկար բազկի համար, և այսօր դուք գիտեք, թե որքանով է դա ճիշտ»,- ասել է Նեթանյահուն։
Ըստ Իսրայելի պաշտպանության բանակի՝ ռազմաօդային ուժերի կործանիչները վերջին շաբաթվա ընթացքում ավելի քան 3500 ռազմամթերք են նետել «Հիզբոլլահի» օբյեկտների վրա:
Добавить комментарий