Իրանը պատերազմի չի ձգտում, բայց կպաշտպանի իր իրավունքները․ Մասուդ Փեզեշքիան
Իրանի Իսլամական Հանրապետության նախագահ Մասուդ Փեզեշքիանը հայտարարել է, որ Իրանը պատերազմի չի ձգտում, բայց կպաշտպանի իր իրավունքները՝ երկրի ինքնիշխանության և տարածքային ամբողջականության դեմ Իսրայելի վերջին ագրեսիայի լույսի ներքո։ Ըստ «Դետք»-ի՝ այս մասին տեղեկացնում է իրանական պետական IRNA լրատվական գործակալությունը։
Իրանի կառավարության նիստում ունեցած ելույթի ժամանակ Փեզեշքիանը շեշտել է, որ երկրի ժողովուրդը և իշխանությունը վերջին 45 տարվա ընթացքում ցույց են տվել, որ երբեք չեն նահանջի իրենց դիրքերից որևէ ագրեսորի առաջ:
Նրա խոսքով՝ աշխարհն այժմ ականատես է լինում, որ այս հանցավոր ռեժիմի կողմնակիցները Միացյալ Նահանգների գլխավորությամբ խոսում են մարդու իրավունքների և ազատության մասին, բայց լռություն են պահպանում արյունահեղության և բռնության առջև։
«Մենք գիտենք, որ Միացյալ Նահանգները հրահրում է Իսրայելին կատարել այս նողկալի հանցագործությունները: Նրանք խոստացել էին վերջ տալ պատերազմին Իրանի զսպվածության դիմաց, բայց, ցավոք, չկատարեցին իրենց խոստումը»,- եզրափակել է Փեզեշքիանը։
Добавить комментарий