Վաշինգտոնը մտահոգված է, որ Թեհրանը Ռայիսիի մահվան մեջ կմեղադրի իրեն․ «Politico»
Ամերիկայի Միացյալ Նահանգների վարչակազմը մտավախություն ունի, որ Իրանի Իսլամական Հանրապետության իշխանությունները կարող են մեղադրել ԱՄՆ-ին կամ Իսրայելին՝ Իսլամական Հանրապետության նախագահ Էբրահիմ Ռայիսիին տեղափոխող ուղղաթիռի կործանմանը ներգրավվածություն ունենալու մեջ։ Ըստ «Դետք»-ի՝ այս մասին գրում է «Politico» պարբերականը՝ վկայակոչելով իր աղբյուրներին։
Հաղորդվում է, որ Վաշինգտոնը ուշադիր հետևում է Թեհրանի արձագանքին՝ հույսը դնելով տարածաշրջանային ստատուս քվոյի պահպանման վրա և վախենալով, որ հիպոթետիկ մեղադրանքները կարող են հանգեցնել Իսրայելի հետ հարաբերություններում լարվածության սրման։ Ամերիկյան իշխանությունների համոզմամբ՝ մոտ ապագայում իրանական քաղաքականության մեջ փոփոխություններ դժվար թե լինեն։
Ըստ պարբերականի՝ մայիսի 19-ին ԱՄՆ պաշտոնյաները անհանգիստ հետևում էին որոնողափրկարարական գործողություններին՝ ժամերով ենթադրություններ անելով, թե ինչպես կարող է հավանական կործանումը փոխել իրավիճակը Մերձավոր Արևելքում:
««Իսկապես այսպե՞ս է սկսվում երրորդ համաշխարհային պատերազմը» հարցը որոշ ժամանակ դադարել է խելագար լինելուց»,- ասել է պարբերականի զրուցակիցը, որը նախընտրել է անանուն մնալ։
Добавить комментарий