Առանց խաղաղության պայմանագրի Հայաստանը մեկուսացված է տարածաշրջանային նախագծերից․ ադրբեջանցի պատգամավոր
Ադրբեջանցի պատգամավոր Ռասիմ Մուսաբաովը պատասխանել է ադրբեջանական «AYNA» կայքի հարցերին։
Նա նշել է, որ «եթե Երևանը պատասխանատվություն է ստանձնել, ապա պետք է իր ներկայացուցչով մասնակցի Բաքվում կայանալիք COP29 միջոցառմանը»։ Հավելել է, որ պաշտոնական Երևանը պետք է գիտակցի, որ Հայաստանին ավելի շատ խաղաղություն է պետք։ Առանց խաղաղության Հայաստանը մեկուսացված է տարածաշրջանային նախագծերից։ Սրանով Հայաստանի տնտեսությունը անկում է ապրում։
- Հնարավո՞ր է խաղաղության պայմանագիր ստորագրել մինչև նոյեմբեր՝ COP29։
-Ալիևը հայտարարել է, որ խաղաղության պայմանագրի տեքստի զգալի մասը համաձայնեցված է, և լավ կլիներ պայմանագիրը ստորագրվեր մինչև COP29-ը։ Դիվանագիտության մեջ կա այսպիսի մեթոդ՝ համաձայնեցված տեքստը նախաստորագրված է։ Պայմանագիրը չկորցնելու համար կողմերը ստորագրում են, բայց դա չի նշանակում, որ փաստաթուղթն ուղարկվում է հաստատման։ Կողմերը շարունակում են խաղաղ բանակցությունները.
-Հայ հասարակության մեջ կարծիքներ կան, որ եթե մինչև նոյեմբեր պայմանագիրը չստորագրվի, կարող է նոր պատերազմ լինել։ Որքանո՞վ է սա հավանական:
-Չեմ կարծում, որ երրորդ պատերազմը կլինի։ Որովհետև չկա որևէ գործոն, որը կդրդի Ադրբեջանին և Հայաստանին պատերազմի։ Կողմերից ոչ մեկը մյուսի նկատմամբ մեծ տարածքային պահանջներ չունի, ոչ էլ ռազմատենչ նկրտումներ ունի։ Հետևաբար, չեմ կարծում, որ պատերազմ կլինի։Եթե Հայաստանի կողմից ռազմական սադրանքներ իրականացվեն, ապա ադրբեջանական բանակը կարող է քայլեր ձեռնարկել այն վերացնելու ուղղությամբ։ Նման իրադարձությունները դժվար թե վերածվեն լայնածավալ ռազմական գործողությունների։
Ադրբեջանական կողմը համաձայն իր որդեգրած քաղաքականության՝ սադրանքներ իրականացնելով ռազմական գործողություն է պլանավորում, որի պատասխանատվությունը բարդելու է Հայաստանի վրա։
Добавить комментарий