Վրաստանը 250 մլն արժողությամբ նոր մայրուղի կկառուցի Հայաստանի հետ սահմանին

Վրաստանի կառավարությունը Մառնեուլի շրջանում սեփականատերերից հող կօտարի Ռուսթավի-Սադախլո նոր մայրուղու կառուցման համար Հայաստանի հետ սահմանին, տեղեկացրել է «Новости-Грузия» պորտալը։

Նախագիծը ֆինանսավորվում է Եվրոպական ներդրումային բանկի կողմից Արեւելք-Արեւմուտք միջազգային նշանակության ճանապարհի նախագծի վերաբերյալ վարկային համաձայնագրի շրջանակում։

Նոր մայրուղին, որը կանցնի գոյություն ունեցող ճանապարհին զուգահեռ, կլինի քառաշերտ, իսկ երկարությունը կկազմի մոտ 30 կիլոմետր, ներառյալ 11 կամուրջները եւ անցումները։ Շինարարությունը կարժենա 250 մլն եվրո։