Ադրբեջանի խորհրդարանական արտահերթ ընտրությունները կեղծ են և անօրինական. Ադրբեջանի ընդդիմադիր ուժ

Ժողովրդավարական ուժերի ազգային խորհուրդն օրինական չի համարում սեպտեմբերի 1-ին կայացած արտահերթ խորհրդարանական ընտրությունների արդյունքները։

Այս մասին ասված է Ազգային խորհրդի տարածած հայտարարության մեջ։

Մասնավորապես նշվում է, որ ընտրողների մեծամասնությունը չի մասնակցել ընտրություններին, իսկ քվեարկելու եկածները ներգրավվել են գործընթացում՝ օգտագործելով վարչական ռեսուրս. «Ընտրություններին ընտրողների մասնակցության տոկոսը կտրուկ տարբերվում է ԿԸՀ-ի հայտարարած թվերից (37 տոկոսից քիչ ավելի), և մասնակցության տոկոսը չափազանց ցածր է»:

1. Սահմանադրությանը հակասող քայլ է համարում արտահերթ խորհրդարանական ընտրությունների նշանակումը. «Սահմանադրության 98.1-ին հոդվածում հստակ նշված է, թե որ դեպքերում պետք է նշանակվեն արտահերթ ժողովի ընտրություններ։ 

Սակայն ներկայիս արտահերթ ընտրությունների նշանակման համար Սահմանադրությամբ նախատեսված պայմաններից ոչ մեկը չի եղել»։

2. «COP29»-ը կամ որևէ այլ միջազգային իրադարձություն չի կարող հիմք հանդիսանալ արտահերթ խորհրդարանական ընտրություններ նշանակելու համար, ոչ էլ նախագահը կարող է ցանկացած պահի գերազանցել իր լիազորությունները և ընտրությունների կոչ անել:

3. Կան նաև 303 քաղբանտարկյալներ, որից 20-ը լրագրողներ են, և նրանցից շատերը կարող էին լինել պոտենցիալ թեկնածուներ։

4. Ընտրությունների օրը «Azadlıq»-ը, BBC-ն, «Meydan.TV»-ն և այլ լրատվամիջոցներ տեսագրություններ են հրապարակել ընտրակեղծիքների մասին. «Որոշ լրագրողներ և դիտորդներ հեռացվել են ընտրատեղամասերից վարչական ճնշումներով և սպառնալիքներով։ «Abzas Media», «Toplum» հեռուստաընկերության, «Kanal 13»-ի լրագրողները, որոնք ունեն ընտրական գործընթացը լուսաբանելու մասնագիտական ​​փորձ, ձերբակալվել են կեղծ մեղադրանքով և մեկուսացվել ընտրական գործընթացից։

Ազգային խորհուրդը կոչ է անում միջազգային հանրությանը հարգել ընտրվելու իրավունքը և Ադրբեջանի ժողովրդի համընդհանուր ժողովրդավարական արժեքները, չճանաչել ընտրությունների կեղծ արդյունքները և դատապարտել Իլհամ Ալիևի կառավարության կողմից իր ժողովրդի նկատմամբ իրականացված կեղծիքի գործընթացը։